Шоколад әлемінде енді тұздың дәмі сезіле бастады. Ащы шындық шокилерге ұнамағанымен, одан ешкім құтыла алмады. Қарсундар болса Шоко әлем қалаларында емін-еркін жүретін болды. Бұған тіпті аркуа деңгейі әлдеқайда артқан Райлдың өзі кедергі бола алмайды. Аркуандар мен қарсундар соғыстың басқа кезеңіне көшпек. Екі жақ та күш қайнары Жерде екенін анық түсінген еді. Қарсундарға өзгелер де қосылып, күннен күнге күшейіп барады. Аркуандарға Қара жақты тоқтату үшін енді одан да көп күш керек. Бірақ бұл жолы жалғыз шайқаспайды. Сұйық тәж иесін күткен ағаштар бұларға бұта ұшын бермек.
